Eurimedon | Page 6

je tiens un triomphe à mespris
Si la difficulté n'en
augmente le prix.
TYGRANE.
Vous aymeriez pourtant cette riche conqueste,
Quelque facilité qui
vous la rendist preste.
PASITHEE.
Tygrane, vous jugez de mon intention
Selon la belle humeur de
vostre passion.
TYGRANE.
Mon sentiment plustost parle selon la gloire
Que vous pourra donner
cette belle victoire.
PASITHEE.
Quelle?
TYGRANE.
D'Eurimedon, qui vous donne son coeur.
PASITHEE.
Veid-on jamais vaincu triompher du vainqueur?
EURIMEDON.
Ou vainqueur ou vaincu souffrez que je sois vostre,
À qui vit sans
espoir qu'importe l'un ou l'autre.
TYGRANE.

En amour toutesfois l'esperance est l'aymant.
EURIMEDON.
Ouy pour vous qui portez la qualité d'Amant,
Mais mon affection à
bien moins se limite,
Et je suis sans desir, ainsi que sans merite.
PASITHEE.
Puis qu'en tous ces debats j'ay beaucoup d'interest
Nous en pourrons
donner une autre fois l'arrest,
Cependant je veux bien que l'un &
l'autre espere
Pour moy je m'en vay voir que fait le Roy mon pere.
SCENE TROISIESME
TYGRANE.
Dieux que viens-je d'ouyr: mais helas qu'ay-je veu?
Il se peut faire
aussi que je me sois deçeu
Ou qu'un enchantement qui me trouble
l'ouye
Par de mesmes effets ayt ma veue esblouye:
Sans doute tout
cecy n'est qu'une illusion
Qui remplit mon esprit de sa confusion:

Mais Prince infortuné que ton mal est estréme!
As-tu quelque
advantage à te tromper toy-mesme?
Après avoir esté present à leur
discours
Cherches-tu dans la feinte un frivole secours?
Non, non, ne
flatte plus les mespris de ta Reyne,
Tu cognois maintenant la cause de
sa hayne,
Elle destine ailleurs son inclination,
Et tu seras l'objet de
son aversion.
Ne venois-je en ce lieu qu'à dessein que j'y visse

Qu'un rival me ravit les fruits de mon service?
Et que celle qui tient
mon esprit en langueur,
Garde pour luy l'amour, & pour moy la
rigueur?
Ah que le sentiment d'un si visible outrage
Excite dans
mon coeur un violent orage!
Et qu'à regret mes yeux verront un
incognu
Tenir icy le rang que Tygrane a tenu!
Mais que ma bouche
employe une foible allegeance
À des maux qui ne l'ont que dedans la
vengeance,
Mon rival doit mourir, & mon contentement
Ne doit
estre tiré que de son monument.
SCENE QUATRIEME.
CELIANE en habit de Cavallier.

He bien cruel Amour que fera Celiane?
Porteray-je l'enfer dans le ciel
de Tygrane?
Dois-je craindre, esperer, ou voir que ton flambeau

Esclaire en mesme temps son lit, & mon tombeau?
Seray-je plus
heureuse en ce bel equipage?
Crois-tu qu'en cet habit je plaise
d'avantage?
Ne me faits point languir, acheve mon dessein,
Puisque
c'est ton pouvoir qui me l'a mis au sein:
Mon coeur pour t'obeir n'a
point trouvé d'obstacle
N'en trouve pas aussi pour produire un miracle,

C'est toy qui m'as reduitte en cette extremité,
Fais donc voir un
effect de ta Divinité.
Ce perfide autrefois vivoit sous mon empire,

Moy seule je faisois sa joye & son martyre,
Et je reglois si bien ses
inclinations,
Que mes desirs estoient toutes ses passions;
Cent fois
il m'a juré de donner à sa flame
Un aussi long destin que celuy de son
ame:
Mais depuis quelque temps en cet objet vainqueur

L'esloignement des yeux a faict celuy du Coeur;
Maintenant Pasithée
est la beauté divine,
Qui bastit son espoir dessus cette ruyne,
Et
destruit une amour dont la sincerité
N'avoit à desirer que l'immortalité.

Mais contre tant d'attraits il n'a pû se deffendre,
Sa Princesse a le
feu dont je n'ay que la cendre,
Et toutefois jamais l'excez de sa
froideur
N'esteindra qu'en mon sang mon amoureuse ardeur,
Ah
pour un lasche coeur trop magnifique offrande!
SCENE CINQUIESME.
CELIANE, ARGAMOR
ARGAMOR.

Voyla comme je croy celuy que je demande.
CELIANE.
Page que
cherche-tu?
ARGAMOR.
Je cherche Eurimedon.
CELIANE.

Feignons pour sçavoir tout que je porte ce nom.
ARGAMOR.
Ce
Prince Monseigneur vous ressemble à l'extréme.
CELIANE.
Tu ne
te trompes point Page: car c'est moy-mesme.

ARGAMOR Luy donne
le Cartel.
Ce mot donc (s'il vous plaist) en cette occasion
Vous dira le sujet de
ma commission.
CELIANE.

Voyons ce qu'il contient: Ah qu'en ces caracteres
Mes yeux vont
descouvrir d'agreables mysteres!
CARTEL De Tygrane à Eurimedon.
En vain Eurimedon tu me penses ravir
L'incomparable Pasithée,

Mais la gloire de la servir
Te sera si bien disputée,
Que si je te puis
voir avant la fin du jour,
Nous perdrons l'un ou l'autre, ou la vie, ou
l'amour.
Ouy Page il me peut voir; s'il veut prendre la peine
De sortir
promptement des murs de Mitylene,
Il recevra de moy la satisfaction

Qu'on doit donner à ceux de sa condition.
ARGAMOR s'en allant.
Seigneur dans peu de temps vous y verrez Tygrane.
CELIANE.
Et pour Eurimedon il verra Celiane.
Ce Page à mon habit m'a pris
pour ce rival
À qui ce Prince ingrat prepare tant de mal,
Mais
n'importe je veux m'exposer à sa rage,
Et qu'il fasse le coup qu'auroit
faict mon courage,
Le Ciel n'est à mes voeux contraire qu'à demy
Si
je meurs de la main d'un si cher ennemy,
Mon coeur à son amour
autrefois si propice
Au lieu d'estre l'Autel sera le sçacrifice,
Et le
coup que son bras luy va faire sentir
Fera d'un Idolatre un amoureux
martyr:
Mes yeux pour ce cruel ont trop versé de larmes,
Il est
temps que mon sang soit tiré par ses armes,
Et que par ses boüillons
mes desirs innocens
Mesme au point