whan ony man schalle dye, men setter a spere besyde him: and whan he drawethe towardes the dethe, every man fleethe out of the hous, tille he be ded; and aftre that, thei buryen him in the feldes.
CAPVT. 39.
De sepultura Imperatoris Grand Can, et creatione successoris.
Imperator Grand Can postquam eius cognita fuerit defunctio defertur mox à paucis viris in parco palatij, ad pr?uisum locum vbi debeat sepeliri. Et nudato prius toto illo loco à graminibus cum cespite figitur ibi tentorium, in quo velut in solio regali de ligno corpus defuncti residens collocatur, paraturque mensa plena coram eo cibarijs pr?ciosis, et potu de lacte iumentorum. Instabulatur ibi et equa cum suo pullo, sed et ipse albus, nobilitèr phaleratus, et onustatus certo pondere auri et argenti. Et est totum Tentorij pauimentum de mundo stramine stratum.
Tuncque effodiunt in circuitu fossam latam valdè, et profundam vt totum tentorium cum omnibus contentis descendat in illam. Eoque facto ita equalitèr terram planificantes adoperiunt graminibus, vt in omni tempore locus sepultur? non valeat apparere. Et quoniam ignoranti? nubilo turpiter exc?cati putant in alio seculo homines delectationibus frui, dicunt quòd tentorium erit ei pro hospitio, cibi ad edendum, lac ad potandum, equus ad equitandum, aurum et argentum ad respiciendum, sed et equa lac sempèr pr?stabit, et pullos equinos successiue generabit.
Post has itaque Imperatoris defuncti miseras exequias, nullus omnino audebit de ipso loqui coram vxoribus et filijs, et propinquis, sed nec nominare, quia per hoc putarent derogari paci, et quieti illius, qua non dubitant eum dominari, in maiori satis gloria Paradisi quam hic stetit.
Igitur Imperatore Grand Can sepulto obliuioni tradito, conueniunt quàm citò nobiles de septem tribubus prouinci? Cathay, et cui Imperium ex propinquitate competit, dicunt sic.
Ecce volumus, ordinamus, atque precamur, vt sis noster Dominus et Imperator.
Qui respondet
Si vultis me super vos, sicut et iuris mei est, imperare, oportebit vos fore mihi obedientes tam ad mortem quàm ad vitam.
Et respondentes dicunt.
Nos faciemus quicquid praeceperitis.
Túncque Imperator addit h?c verba: Ergo scitote, quod ex nunc verbum meum acutum et scindens erit vt meus ensis: [Sidenote: i. cathedra.] Pergit quóque sessum in suo Philtro nigro super pauimentum in conspectu throni expanso, et cum ipso Philtro eleuatur ab omnibus, et infertur Imperij solio, ac coronatur diademate pr?cedentis Imperatoris.
De inde singuli principes, et singu? ciuitates, oppida, et vill? per vniuersum imperium mittunt ei munera iocalia, vasa, pannos, equos, elephantes, aurum, argentum, et lapides preciosos, quorum, qualium, et quantorum vix vel in numero haberi potest aestimatio.
CAPVT. 40.
De multis regionibus Imperio Tartariae subiectis.
Breuitèr et nunc intendo cursum describere aliquarum magnarum regionum et Insularum Imperij Tartari?. Et primò illas qu? descendunt à prouincia Cathay per septentrionalem plagam, vsque ad fines Christianitatis Prussiae, et Russiae.
Ergò prouincia Cathay descendens in sui oriente à regno Tharsis iungitur ab occidente regno Turquescen, in quo et sunt plurimae ciuitates, quarum formosior dicitur Octopar. Ipsum autem Turquescen regnum iungitur ad occidentem sui regno, seu Imperio. Persiae, et ad septentrionem regno Corasinae, quod spaciosum este valde, habens versus orientem sui vltra centum diaetas deserti: hoc regnum est multis bonis abundans, et appellatur eius melior ciuitas etiam Corasine.
Isti quoque regno iungitur in occidente versus partes nostras regnum Commanorum, quod et similiter longum est, et latum, sed in paucis sui locis inhabitatum: Nam in quibusdam est frigus nimium, in alijs nimius calor, et in nonnullis nimia muscarum multitudo.
De istis Commanis venit olim fugata qu?dam pluralitas populi vsque in terram ?gypti quae ibidem succreta nunc ita inualuit, vt suppressis indigenis videatur regnare: Nam et de seipsis constituerunt hunc, qui modo est Soldanus, Melech Mandibron. Per Commanorum regnum decurrit Grandis fluuius Echil, qui omni hyemali tempore in magna spissitudine gelatur; in superiori quoque parte huius regni inter duo freta Caspi?, et Oceani, mons sublimis est valde Chocas. Nota quod à nostris partibus non possit vsque in Indiam superiorem duci magnus exercitus per terras, nisi per tres tantummodo transitus, quorum iste est vnus, qui tamen non valet transiri nisi tempore glaciei, et hic appellatus est Lodekonc.
Alter per Turquescen, et per Persiam, tamen ibi sunt deserta plurium dietarum, in quibus nisi esset exercitus bene prouisus, posset perire.
Tertius ad primos fines regni Commanorum, transfretando tamen mare vsque in regnum Abchaz: principalis ciuitas Commanorum dicitur Sarach.
Ab hoc regno versus partes nostras inuenitur regio Laiton quae est vltima paganismi, iungitur iste finis terr? Christianitatitis regno Prussi?, et Russi?.
Post potestatem Imperij Tartari? descendendo à prouincia Cathay in Australem plagam venitur versus Persiam, Syriam, et Greciam. Versus terram Christianorum possum aliqualiter in summa (quantum conuenit huic scripto) connotare. Dixi supra iam prouinciam Cathay iungi regno Turquescen ad occidentem, et illud quòque iungi regno seu Imperio Persi?. Ad quod sciendum, quamuis rex Persi? habet etiam ab olim nomen Imperatoris; quia (cum tenet aliquas terras sui Imperij ab Imperatore Tartarorum) necesse est vt in tanto subiectus sit illi.
Sunt autem in Persia du? regiones: vna alt? Persi?, qu? à regno Turquescen descendens, iungitur ad occidentem sui fluuis Pyson.
![](qr/3567/6.png)
Continue reading on your phone by scaning this QR Code
Tip: The current page has been bookmarked automatically. If you wish to continue reading later, just open the
Dertz Homepage, and click on the 'continue reading' link at the bottom of the page.