Li Romanz de lestoire dou Graal | Page 7

Joseph requeillu avoit, Quant il jus de la crouiz l'osta Et il ses plaies li lava; Et quant Joseph vist le veissel Et le connut, mout l'en fu bel; Meis de ce mout se merveilloit Que nus ne seut o�� mis l'avoit, Qu'en sa meison l'avoit repus, C'onques ne l'avoit v��u nus. Et il tantost s'agenouilla, Nostre-Seigneur en mercia: ?Sire Diex, sui-je donques teus Que le veissel si precieus Puisse ne ne doie garder O�� fis vostre saint sanc couler?? Diex dist: ?Tu le me garderas Et cius cui le comanderas.
?Joseph, bien ce saras garder Que tu ne le doiz commander Qu'�� trois persones qui l'arunt. Ou non dou Pere le penrunt Et dou Fil et dou Saint-Esprist, Et se doivent croire trestuit Que ces trois persones sunt une Et persone entiere est chaucune.? Joseph, qui �� genouz estoit, Prist le veissel que Diex tenoit. ?Joseph, dist Diex, as pecheeurs Est sauvemenz pour leur labeurs. Qui en moi vraiement croirunt, De leur maus repentance arunt. Tu-m��ismes, pour tes soud��es, Has mout de joies conquest��es; Saches que jameis sacremenz Feiz n'iert, que ramembremenz De toi n'i soit. Tout ce verra Qui bien garder y savera.? --?Par foi! dist Joseph, je n'ou sai; Dites-le-moi, si le sarai.?
--?Joseph, bien sez que chi��s Symon Menjei et tout mi compeignon, A la Cene, le juesdi; Le pein, le vin y ben��i, Et leur dis que ma char menjoient Ou pein, ou vin mon sanc buvoient: Ausi sera repr��sent��e Cele taule en meinte contr��e. Ce que tu de la crouiz m'ostas Et ou sepulchre me couchas, C'est l'auteus seur quoi me metrunt Cil qui me sacrefierunt, Li dras o�� fui envolepez, Sera corporaus apelez. Cist veissiaus o�� men sanc m��is, Quant de men cors le requeillis, Calices apelez sera. La platine ki sus girra Iert la pierre senefi��e Qui fu deseur moi seel��e, Quant ou sepuchre m'��us mis. Ice doiz-tu savoir touz dis, Ces choses sunt senefiance Qu'en fera de toi remembrance. Tout cil qui ten veissel verrunt, En ma compeignie serunt; De cuer arunt emplissement Et joie pardurablement. Cil qui ces paroles pourrunt Apenre et qui les retenrunt, As genz serunt vertueus, A Dieu assez plus gratieus; Ne pourrunt estre forjugi�� En court, ne de leur droit trichi��, N'en court de bataille venchu, Se bien ont leur droit retenu.?
Ge n'ose conter ne retreire, Ne je ne le pourroie feire, Neis, se je feire le voloie, Se je le grant livre n'avoie O�� les estoires sunt escrites, Par les granz clers feites et dites: L�� sunt li grant secr�� escrit Qu'en numme le Graal et dit. Adonc le veissel li bailla, Et Joseph volentiers pris l'a. Diex dist: ?Joseph, quant vouras Et tu mestier en averas, A ces trois vertuz garderas, Q'une chose estre ainsi creiras; Et la dame boneeur��e Qui est Mere Dieu apel��e, Ki le benooit Fil Dieu porta, Mout tr��s bien te conseillera; Et tu orras, ainsi le croi, Le Seint-Esprit paller �� toi,
?Ore, Joseph, je m'en irei. De ci mie ne t'emmenrei, Car ce ne seroit pas reison; Ainz demourras en la prison. La chartre sanz clart�� sera, Si comme estoit quant je ving ?a: Garde que tu n'aies peeur, Ne au cuer fri?on ne tristeur; Car ta delivrance tenrunt A merveille cil qui l'orrunt. Li Seinz-Espriz o toi sera, Qui touz jours te conseillera.?
Ainsis est Joseph demourez En la prison bien enchartrez; Ne de lui mets plus pallerent, Meis trestout ester le leissierent Et demoura mout longuement Que de lui ne fu pallement, Tant qu'il avint c'uns pelerins, Qui fu assez jounes meschins, En cele terre de Jud��e Fist l�� mout longue demour��e Au tens que Jhesus-Criz ala Par terre et sen nou preescha, Qui mout de miracles feisoit, Car il bien feire les povoit. Les avugles vi cler veanz Et les contreiz touz droiz alanz, Et autres miracles assez Que n'aroie �� lonc tens contez, Car trois morz y resuscita. Li pelerins tout ce vist l��; Meis li Juif, qui grant envie Eurent seur lui par felonnie, Le firent-il en crouiz morir Pour ce qu'il ne vout ob��ir De riens �� leur commandemenz, Car il souduisoient les genz.
Au tens que je vous ei cont�� Que li pelerins eut est�� En Jud��e, si vint �� Romme Et hesberja chi��s un preudomme. Adonc li fiuz l'empereeur Estoit en si tr��s grant doleur Qu'il avoit une maladie, Car de lepre iert sa char pourrie; Si vil estoit et si puanz Que nus o lui n'iert habitanz. On l'avoit en une tour mis, O�� n'avoit fenestre ne wis C'une petite fenestrele, O�� on metoit une escuele Quant on li donnoit �� mengier, Ad��s quant en avoit mestier.
Li pelerins fu hostelez, Bien aeisiez et bien soupez. L'ostes au pelerin palloit Que mout granz damages estoit Dou fil �� leur empereeur, Qui estoit �� tel deshonneur;