Li Romanz de lestoire dou Graal | Page 6

bien seel��e.
Mout fu Pilates irascuz Quant set que Joseph fu perduz, Et en sen cuer mout l'en pesoit, Que nul si boen ami n'avoit. Au siecle fu bien adirez Et vileinnement ostelez; Meis Diex n'ou mist pas en oubli, Cui on trueve au besoing ami; Car ce que pour lui soufert ha, Mout tr��s bien li guerredonna: A lui dedenz la prison vint, Et son veissel porta, qu'il tint, Qui grant clart�� seur lui gita, Si que la chantre enlumina; Et quant Joseph la clart�� vist, En son cuer mout s'en esjo?st. Diex son veissel li aportoit, O�� son sanc requeillu avoit. De la grace dou Seint-Esprist Fu touz pleins, quant le veissel vist, Et dist: ?Sires Diex tou-puissanz, Dont vient ceste clartez si granz? Je croi si bien vous et vo non Qu'ele ne vient se de vous non.? --?Joseph, or ne t'esmaie mie: La vertu Dieu has en a?e; Saches qu'ele te sauvera En Paradis, o�� te menra.?
Joseph Jhesu-Crist demandoit Qui il iert, qui si biaus estoit: ?Je ne vous puis, sire, esgarder Ne connoistre ne aviser.? --?Joseph, dist Diex, enten �� moi, Ce que je te direi si croi. Je sui li fiuz Dieu, qu'envoier Voust Diex en terre pour sauver Les pecheours de dampnement Et dou grant infernal tourment; Je vins en terre mort soufrir En la crouiz finer et morir, Pour l'uevre men pere sauver Qu'Adans avoit feite dampner Par la pomme que il menja, Qu'Eve sa fame li donna Par le conseil de l'Ennemi, Qu'ele plus tost que Dieu cr��i. Apr��s ce, Diex de Paradis Les gita et les fist chetis Pour le pechi�� que feit avoient Quant son commandement passoient. Eve con?ut, enfans porta; Et li et ce qu'ele enfanta Voust tout li Ennemis avoir En son demeinne, en son pooir, Et les eut tant cum plust au Pere Que li Fiuz naschi de la mere. Par fame estoit hons adirez, Et par fame fu recouvrez; Fame la mort nous pourcha?a, Fame la vie nous restora; Par fame estions emprisonn��, Par fame fumes recouvr��.
?Joseph, or has o? comment Li Fiuz Diu tout certeinnement Vint en terre; et si has o? Pour quoi de la Virge naschi, Pour ce qu'en la crouiz mor��ust Et li Peres s'uevre r��ust: Pour ce sui en terre venu, Et li sans de mon cors issuz, Qui en issi par .v. fo?es; Assez i soufri de haschies.? --?Comment, sire! Joseph li dist; Estes-vous donc Jhesus qui prist Char en la Virge precieuse, Ki fu Joseph fame et espeuse? Cil que Judas xxx deniers Vendi as Juis pautonniers, Et qu'il fusterent et batirent Et puis en la crouiz le pendirent? Que j'en la sepouture mis, Et de cui dirent li Juis Que j'avoie vo cors embl�� Et dou sepuchre destourn��?? --?Je sui icil tout vraiement: Croi-le, si auras sauvement; Croi-le et si n'en doute mie: Si auras pardurable vie.? --?Sire, dist Joseph, je vous proi Que vous aiez piti�� de moi. Pour vous sui-je cileques mis; Si serei tant con serei vis, Se vous de moi piti�� n'avez Et de cest liu ne me gitez. Sire, tous jours vous ei am��; Meis n'en ei pas �� vous pall��; Et pour ce dire ne l'osoie, Certeinnement, que je quidoie Que vous ne m'en cr��ussiez mie, Pour ce que j'en la compeignie Estoic �� ceus qui vous haoient Et qui vostre mort pourpalloient.? Lors dist Diex: ?Avec mes amis Et aveques mes ennemis Estoie; meis quant avenue Est aucune descouvenue, N'i ha mestier senefiance. Or le vous leirei en soufrance. Tu estoies mes boens amis, Pouce estoies o le Juis, Et bien seu que mestier m'aroies Et au besoing que m'eideroies; Car Diex mes peres t'eut donn�� Le povoir et la volent�� Que p��us Pilate servir, Qui si le voust remerir: De ten service te paia En ce que men cors te donna.? --?Hay, sire! ne dites mie Que miens soiez n'en ma baillie.? --?Si sui, Joseph, je l'direi bien; Je sui as boens, li boen sunt mien. Sez-tu que tu as deservi En ce que je donnez te fui? La vie pardurable aras, Quant de cest siecle partiras. Nul de mes deciples o moi N'ei amen��, sez-tu pour quoi? Car nus ne set la grant amour Que j'ai �� toi d��s ice jour Que tu jus de la crouiz m'ostas, Ne veinne gloire ��u n'en has Nus ne connoit ten cuer loial, Fors toi et Dieu l'esperital. Tu m'as am�� cel��ement, Et je toi tout certainnement. Nostre amour en apert venra Et chaucuns savoir la pourra; Meis ele sera mout nuisanz As maveis Juis mescreanz. En ten povoir l'enseigne aras De ma mort et la garderas, Et cil l'averunt �� garder A cui tu la voudras donner.?
Nostres-Sires ha treit avant Le veissel precieus et grant O�� li saintimes sans estoit Que