et de l'oudeur, Que chaucuns d'eus se merveilla; Meis Judas mout s'en courou?a: Trois cenz deniers, ou plus, valoit; Sa rente perdue en avoit: C'est en disme trente deniers, C'en devoit estre ses louiers. Commen?a soi �� pourpenser Comment les pourra recouvrer.
Li anemi Nostre-Seigneur, Qui li quierent sa deshonneur, Furent tout ensemble assembl�� En un hostel en la cit��; Li hostes eut non Chayphas Ez-vous ilec venu Judas, Qui evesques fu de leur loi, Et preudons fu, si com je croi. Joseph i fu d'Arymathye, N'est pas liez de la compeignie. Et quant Judas ilec sentirent, Douterent le quant il le virent; Si que tantost con le connurent, Pour la doute de lui se turent. Il quidoient qu'il fust loiaus Vers son seigneur, et il iert faus; Et quant Judas, qui de pute eire Estoit, les vit ainsi touz teire, Palla et demanda pour quoi Estoient si mu et si quoi. Il li demandent de Jhesu: ?O�� est-il ore? Sez-le-tu?? Et il leur dist o�� il estoit, Pour quoi l�� venir ne voloit: ?La loi enseigne.? Com l'o?rent, En leur cuers tout s'en esjo?rent. ?Enseigne-nous comment l'aruns Et comment nous le prenderons.? Judas leur dist: ?Se vous volez, Je l' vous vendrei, si le prenez.? Cil dient: ?O?l, volentiers.? --?Donnez-moi donc trente deniers.? L'uns en sa bourse pris les ha Et tantost Judas les donna: Ainsi eut son restorement De sa perte de l'oignement. Apr��s li ont cil demand�� Comment il leur aura livr��. Judas leur mist le jour, pour voir, Comment il le pourrunt avoir Et en quel liu le trouverunt; Il dist que mout bien s'armerunt Comme pour leur vies sauver, Et si se doivent bien garder De Jake penre tout ensemble, Car merveilles bien le resemble. ?De ce ne vous merveilliez mie, Car andui sunt d'une lignie: Il sunt cousin germein andui.? --?Comment connoistruns donc celui?? --?Mout volentiers le vous direi: prenez celui que beiserei.? Ainsi acordent leur afeire. A trestoutes ces choses feire Estoit Joseph d'Arymathye, Cui en poise mout et ennuie.
Ainsi d'ilec se departirent; Dusqu'au juesdi attendirent; Et ce juedi chi��s Simon Estoit Jhesus, dans sa meison, O�� ses deciples enseignoit Les essemples et leur disoit: ?Ne vous doi pas trestout retreire; Meis de ce ne me weil-je teire, Que cius menjut o moi et boit Qui mon cors �� mort trahir doit.? Quant Jhesus ainsi pall�� ha, Judas errant li demanda: ?Pour moi le dites seulement?? --?Judas, tu le diz ensement.? Autres choses leur vout moustrer Quant il daigna leur piez laver, D'une iaue �� touz les piez lava, Et sainz Jehans li conseilla: ?Priv��ment, sire, une chose Demanderoie; meis je n'ose.? Jhesus l'en ha congi�� donn��, Et il ha tantost demand��: ?Sire, �� nous touz les piez lavas D'une iaue: tu pour quoi feit l'as?? Diex dist: ?Volentiers le direi, Cest essemple en Perrum penrei. Ausi comme l'iaue ordoia Des premiers piez c'on i lava, Ne puet nus estre sanz pechi��, Et tant serunt-il ordoi�� Com ��s orz pechiez demourrunt; Meis les autres laver pourrunt; Car, s'il un peu ordoi�� sunt, J�� pour ice n'ou leisserunt Que il les ordoiez ne puissent Laver, en quel liu que les truissent, Ausi con d'orde iaue ci lav�� L'autre ordure qu'ele ha trouv��; Et semble que li darrien soient Ausi com li premier estoient. Cest essemple �� Pierre leirons, Et as menistres le donnons De sainte Eglise voirement, Pour enseignier �� l'autre gent Par leur pechiez ordoierunt Et les pecheeurs laverunt Qui �� Dieu vouront ob��ir Et au Fil et au Saint-Espir, A sainte Eglise; si que rien Ne leur nuist, ainz leur eide bien, Si c'um connoistre ne pouroit Le lav�� s'on ne li disoit. Ausi les pechiez ne set mie De nului devant c'on li die, N'il des menistres ne sarunt Devant ce que il les dirunt.? Ainsi saint Jehan enseigna Diex par ce que il li moustra.
Diex fu en la meison Simon, Et il et tuit si compeignon. Judas eut les Juis mandez Et l'un apres l'autre assemblez. En la meison Symon entrerent. Quant ce virent, si s'effreerent Li deciple Nostre-Seigneur, Car il eurent mout grant peeur; Et quant la meison vit emplie Judas, si ne se tarja mie, En la bouche Jhesu beisa Et par le beisier l'enseigna. Jhesu prennent de touz costez. Judas crie: ?Bien le tenez, Car il est merveilles forz hom.? Ainsi emmenerent Jhesum; Partie font de leur voloir, Qu'il ont Jhesu en leur pooir. Or sunt li deciple esgar�� Et sunt de cuer mout adol��. Leenz eut un veissel mout gent, O�� Criz feisoit son sacrement; Uns Juis le veissel trouva Chi��s Symon, se l' prist et garda, Car Jhesus fu d'ilec menez Et devant Pilate livrez.
A Pilate Jhesu menerent, De quanqu'il peurent l'encouperent; Meis petit furent leur pouvoir, Qu'il ne peurent droiture avoir Ne droiture ne achoison
![](qr/30025/3.png)
Continue reading on your phone by scaning this QR Code
Tip: The current page has been bookmarked automatically. If you wish to continue reading later, just open the
Dertz Homepage, and click on the 'continue reading' link at the bottom of the page.