fist puis que lui plust; Pour rien contredist ne l'��ust. Cil Sires, qui humanit�� Prist en la Virge, humilit�� Nous moustra grant quant il venir Daigna en terre pour morir, Pour ce que il voloit sauver L'uevre son pere et delivrer De la puissance L'Ennemi, Qui nous eut par Eve trahi. Quant ele vit qu'ele eut pechi��, Si ha tant quis et pourchaci�� Que Adans ses mariz pecha; Car une pomme li donna Que Diex leur avoit deve�� Et trestout l'autre abandonn��; Meis il tantost la mist au dent Et en menja isnelement. Et tantost comme en eut mengi��, Pourpensa soi qu'il ot pechi��; Car il vit sa char toute nue, Dont il ha mout grant honte ��ue. Sa fame nue v��ue ha, A luxure s'abandonna. Apr��s ce coteles se firent De fueilles, qu'ensemble acousirent. Et quant Nostres-Sires ce vist, Adan apele et si li dist: ?Adan, o�� ies-tu??--?Je sui ?��.? Tantost de delist les gita, Si les mist en chetivoison Et en peinne pour tel reison.
Eve eut con?ut, si enfanta A grant doleur ce que porta, Et li et toute sa meisnie Eut li Deables en baillie; A la mort les vout touz avoir. En enfer les covint mennoir Tant com Diex le vout, et ne plus, Qu'il envola sen fil ?��-jus Pour saver l'uevre de son p��re; Si en soufri la mort amere. Pour ce besoing prist-il no vie Ou ventre la virge Marie, Et puis en Bethleem naschi De la Virge, si cum je di. Ceste chose seroit greveinne A dire, car ceste fonteinne Ne pourrait pas estre espuisie Des biens qu'a la virge Marie.
D��s or meis me couvient guenchir A ma matere revenir, De ce que me rememberrai, Tant cum sant�� et povoir ei. Voirs est que Jhesus-Criz ala Par terre; et si le baptisa Et ou flun Jourdein le lava Sainz Jehans, qu'il li commanda Et dist: ?Cil qui en moi creirunt, En eve se baptiserunt Ou non dou Pere et dou Fil Crist Et ensemble dou Saint-Esprist, Que par ice serunt sauv��, Dou povoir l'Anemi git��, Tant que il s'i remeterunt Par les pechiez que il ferunt.? A sainte Eglise ha Diex donn�� Tel vertu et tel poest��. Saint Pierres son commandement Redona tout comunalment As menistres de sainte Eglise, Seur eus en ha la cure mise: Ainsi fu luxure lav��e D'omme, de femme, et espur��e; Et li Deables sa vertu Perdi, que tant avoit ��u. A bien peu .v. mil anz ou plus Les eut-il en enfer l��-jus; Meis de tout son povoir issirent, Dusqu'�� tant que il s'i remirent; Et Nostres-Sires, qui savoit Que fragilitez d'omme estoit Trop mauveise et trop perilleuse Et �� pechi�� trop enclineuse (Car il couvenroit qu'il pechast), Vout que sainz Pierres commandast De baptesme une autre menniere: Que tantes foiz venist arriere A confesse, quant pecheroit, Li hons, quant se repentiroit Et vouroit son pechi�� guerpir Et les commandemenz tenir De sainte Eglise: ainsi pourroit Grace �� Dieu querre, et il l'aroit.
Au tens que Diex par terre ala Et sa creance preescha, La terre de Jud��e estoit Souz Romme et �� li respondoit, Non toute, meis une partie, O�� Pilates avoit baillie. A lui servoit uns soudoiers Qui souz lui eut v chevaliers, Jhesu-Crist vit et en sen cuer L'aama mout; meis �� nul fuer N'en osast feire nul semblant Pour les Juis qu'il doutoit tant, Car tout estoient adversaire A Jhesu la gent de pute eire. Ainsi doutoit ses ennemis, J�� soit ce qu'�� Dieu fust amis. Jhesus peu deciples avoit, Et de ceus l'uns mauveis estoit, Pires plus que mestiers ne fust. Ainsi le voust, ainsi li plust. Meintes foiz tinrent pallement Li Juif queu peinne ou tourment Nostre-Seigneur soufrir feroient Et comment le tourmenteroient, Et Judas, que Diex mout amoit, Une rente eut c'on apeloit Disme, et avec seneschauz fu Entre les deciples Jhesu; Et pour ce devint envieus Qu'il n'estoit meis si gracieus As deciples come il estoient Li uns vers l'autre et s'entr'amoient: Se commen?a �� estrangier Et treire �� la fo?e arrier; Plus crueus fu qu'il ne soloit, Si que chascuns le redoutoit. Nostres-Sires savoit tout bien, Car on ne li puet embler rien.
A ce tens teu coustume avoient Li chambrelein que il prenoient La disme de quanque on donnait A leur seigneurs, et leur estoit. Or avint au jour de la Cene Que Marie la Madaleinne Vint droit en la meison Symom; A la table trouva Jhesum Avec ses deciples seant, Judas devant Jhesu menjant. Dessouz la table se mu?a, As piez Jhesu s'agenouilla; Mout commen?a fort �� pleurer, Les piez Nostre-Seigneur laver De ses larmes, et les torchoit De ses chevous que biaus avoit. Apr��s les oint d'un oignement Qu'aporta, precieus et gent, Et le chier Jhesu autresi; Et la maison si raempli De la pr��cieuse flereur, De l'oignement
![](qr/30025/2.png)
Continue reading on your phone by scaning this QR Code
Tip: The current page has been bookmarked automatically. If you wish to continue reading later, just open the
Dertz Homepage, and click on the 'continue reading' link at the bottom of the page.