Discours prodigieux et espouventable de trois Espaignols et une Espagnolle, Magiciens sorcier

Discours prodigieux et
espouventable de
by
Anonymous

The Project Gutenberg EBook of Discours prodigieux et espouventable
de
trois Espaignols et une Espagnolle,, by Anonymous This eBook is for
the use of anyone anywhere at no cost and with almost no restrictions
whatsoever. You may copy it, give it away or re-use it under the terms
of the Project Gutenberg License included with this eBook or online at
www.gutenberg.net
Title: Discours prodigieux et espouventable de trois Espaignols et une
Espagnolle,
Author: Anonymous
Release Date: November 3, 2004 [EBook #13938]
Language: French
Character set encoding: ISO-8859-1
*** START OF THIS PROJECT GUTENBERG EBOOK DISCOURS
PRODIGIEUX ***

Produced by Carlo Traverso, Renald Levesque and the Online
Distributed Proofreading Team. This file was produced from images

generously made available by the Bibliothèque nationale de France
(BnF/Gallica)

DICOURS PRODIGIEUX ET espouventable, de trois Espaignols &
une Espagnolle, Magiciens & Sorciers, qui se faisoient porter par les
diables, de ville en ville, avec leurs declarations d'avoir fait mourir
plusieurs personnes & bestail par leurs sorcilleges, & aussi d'avoir fait
plusieurs degats aux biens de la terre.
Ensemble l'Arrest prononcé contre eux par la Cour de Parlement de
Bourdeaux, le Samedy 10e jour de Mars, 1610.

A PARIS
Jouxte la coppie imprimee à Bourdeaux.

DICOURS PRODIGIEUX ET ESPOUVENTABLE, de trois
Espaignols & une Espagnolle, Magiciens & sorciers, qui se faisoient
porter par les diables, de ville en ville: avec leurs declarations d'avoir
fait mourir plusieurs personnes & bestail par leurs sorcilleges, & aussi
d'avoir fait plusieurs degats aux biens de la terre.
Ensemble l'arrest prononcé contre eux par la Cour de Parlement de
Bourdeaux, le Samedy dixiesme Mars, 1610.
L'homme des aussi tost qu'il fut fabriquer par l'Eternel ouvrier divin, fut
des aussi tost fut pris par l'ennemy de nature humaine, du depuis Satan
n'a cessé par toutes subtilitez, & moyen de pouvoir sucomber & attirer
le genre humain en ces lacs. Des incontinant que ce grand Capitaine
Moyse eut en main la Comission pour retirer les Israëlites d'entre les
mains de ce pervers & inique Roy d'Egypte Pharaon, il luy declare
l'ambassade celeste, il le somme à relacher le peuple de Dieu: Et pour
preuver son dir, il jette sa verge en bas, qui tout aussi tost prend vie, &
se metamorphose en Serpent furieux. Les Magiciens veulent fair de

mesme: mais pour neant: Car celle qui est produite par la toute
puissance divine, engloutit & dissipe ceux qui sont provenus de l'art
Diabolique.
De mesme fut fait des raynes, sauterelles, & autres animaux provenus
d'enchanterie & sortilleges: tellement que l'home est bien aveuglé, &
dehors de toutes considerations, qui s'adonne à ces malheureuse &
detestables oeuvres de Magie, quittant son Dieu pour suyvre le diable,
laissant la verité pour le mensonge, se precipiter du port de grace &
salut, dans les abismes & gouffre des Enfers. Les lecteurs se
contenteront de ce preambule, à celle fin de ne les ennuyer pour estre
prolixe, se contentant s'il leur plaist au recit de ce discours
tres-veritable prodigieux, & autant admirable que long temps aye esté
mis en lumiere.
3 Trois Espagnols Magiciens accompagnez d'une femme Espagnolle,
aussi sorciere & Magicienne, se sont promenez par l'Italie, Piedmont
Provene, Franche-Comté, Flandres, & ont par plusieurs fois traversé
toute la France. Et tout aussi tost qu'ils avoient receu quelque desplaisir
de quelques uns, en quelque vilotte ou bourgade; ils ne manquoyent par
le moyen de leurs maudits & pernicieux charmes & sorcilleges, de faire
secher les bleds, & de mesme aux vignes, & pour le regard du bestail, il
laguissoit quelque trois sepmaines, puis demeuroit mort, tellement
qu'une partie du Piedmont a senty que c'estoit de leurs maudites façons
de faire.
Tout aussi tost qu'ils avoient fait jouer leurs charmes en quelques lieux
par leurs arts pernicieux, ils se faisoient porter par les diables dans les
nuees, de ville en ville, & quelquefois faisoient cent ou six vingts lieuës
le jour: mais comme la justice divine ne veut longuement souffrir en
estre les malfacteurs, Dieu permit qu'un Curé nomme messire Benoist
la Faye natif d'Ambuy pres de Bourdeaux, estant allé à Dole, pour
poursuivre un du lieu, auquel il avoit presté une somme notable, & pour
autant qu'il falloit que le dit messire Benoist s'en retournasse à
Bourdeaux pour faire enqueste de ce prest, attendu que sa partie nioit, il
ne fut pas loin d'une harquebusade de Dole, qu'il trouva ces Espagnols
& leur suivante, lesquels se mirent en compagnie avec luy, & luy

demanderent ou il alloit, apres le leur avoir declaré & conté une partie
de son ennuy, & se saschant de la longueur du chemin qu'il avoient à
faire, tant d'aller que de revenir, & mesme que les juges ne luy avoient
baillé qu'un mois de delay, & passé iceluy, il seroit forclos un de ces