Compte de LOeuvre de la Cathédrale de Chartres en 1415-1416 | Page 8

pour chacun jour 2 s. 1 d.
A Philippot de la Saussaye, pour un jour qu'il a apporté des dites pierres

en l'ostel de la Loge, 2 s. 1 d.
Au varlet dudit Colin, pour 5 jours qu'il a servi son dit maistre, pour
jour 20 d.
A Mahieu Guerin, demourant à Landouville, pour 6 sextiers mine de
plastre acheté pour la cheminée dudit Philippot, chacun sextier 6 s. 8 d.
A Jehan des Prez, auquel avoit esté marchandé de curer et nectaier le
puis qui est devant l'ostel de M. le prevost de Masangé, a esté paié, par
le commandement de Messieurs, sur la besongne qu'il peut avoir faicte
audict puis, à lui comme aux ouvriers par lui louez, 47 s. 6 d.
A Vincent Fillais, maçon, pour un jour qu'il a besongné à asseoir les
chandeliers ès 6 autelz de l'eglise nouvellement faiz et asseoir les
guaches des aumoires d'iceulx, 5 s.
A 2 compaignons charpentiers, pour 2 jours qu'ils ont besongnié pour
faire la charpenterie de la cheminée de la petite forge qui est en l'ostel
du dit Philippot, à chacun desdiz charpentiers, pour chacun jour 4 s. 2
d.
A Denis Dumesnil, esveilleur, pour 5 jours qu'il a besongné à
destaindre les chandelles et nectaier l'eglise, par jour 20 d.
A Jehan Lefort, chasublier, pour avoir fait et doublé tout de nuef 3
garnemens c'est assavoir chasuble, tunique et dalmatique, faiz du drap
de damas donné par M. le doyen, pour la façon de chacun desdiz
garnemens, 10 s.
A Pasquier Saince, cordier, pour une corde de teil pour curer et nectaier
le puis dont cy-dessus est faicte mencion, contenant 24 toises ou
environ, 12 s. 6 d.
Audit Pasquier, pour 3 traiz de chanvre, lesquelx ont esté mis pour
pendre les jalles pour curer et nectaier ledit puis, et pour 4 torches de
corde menue pour lier les dictes jalles à la corde de teil, 4 s. 2 d.

En oint pour le trueil du dict puis, 8 d.
A Yvonnet Paris, escrivain, pour avoir relié et couvert 4 des livres de la
librarie, le 1er De misteriis ecclesiasticis; le 2e, Orosius; le 3e, Lex
salica, et le 4e, Pascasius de corpore Christi et Epistole ejusdem, et
pour avoir couvert et relié un psaultier ferial de l'eglise, pour tout ce, 32
s. 6 d.
A Marin Belhoste, pour une pièce de merrien de 4 toises mise en la
cheminée Philippot, 5 s. 10 d.
Audit Marin, pour 4 soleaux de 11 piez de long pour la dicte cheminée,
chacun 2 s. 6 d.
A Nicolas de Verson, escrivain, pour avoir relié 4 des livres de la
librarie, c'est assavoir Volumen librorum Urisii; le 2e Oribasium; le 3e
Excerpta quedam canonum; le 4e contenant plusieurs livres mis et
reliez ensemble, c'est assavoir Dyalecticam Augustini, _Cathegorias
ejusdem et Cathegorias Apulei_, pour tout ce, 35 s.
Pour les soufflés des orgues le jour de la Nostre-Dame-de-la-Nef, 6 s. 8
d.
En charbon pour les verriers, 20 d.
Pour une lampe pour le lampier de M. de Bourgongne, 5 d.
A Philippot Mauvoisin, pour 3 clefs pour les 3 huis du cuer de l'eglise,
dont l'une d'icelles est creuse, 4 s. 2 d.
* * * * *
_En la sepmaine de I'Assumpcion Nostre-Dame commençant le 11{e}
d'aoust._
A Jehan Marsaut, maçon, pour avoir besongnié à curer le puis qui est
devant l'ostel de M. le provost de Masangé, lequel maçon, par marchié
à lui fait, doit avoir par jour et par nuit 15 s. pour soy dévaler oudit puis,
et ycellui faire curer; lequel a besongné en la dicte besongne

continuelment, tant par jour comme par nuit, depuis le lundi une heure
après midi jusques au mardi ensuivant environ trois heures après midi,
pour ce, 20 s.
A Philippot de la Saussaye et à Guillaume de Caux, lesquels ont
besongné tant à tirer aux roes comme à eulx descendre oudit puis, par
le temps dessus declairé, à chacun 8 s. 4 d.
A Simon Cotereau, Jehan de Lucé, Macé le Charpentier, Yvonnet Pepin,
Yvonnet Bocheron, Jehan Dubois, Jehan Martin et Henriet de Graut,
lesquelz ont besongnié à tirer aux roes pour curer et nectaier ledit puis,
et y ont esté continuelment par le temps dessus dit, à chacun 6 s. 8 d.
A Guillot Phelipeau, lequel besongna mardi avec les dessus nommez, 3
s. 4 d.
A Pasquier Saince, cordier, pour 2 traiz de chanvre pour les jalles dudit
puis, et pour corde menue, 4 s. 2 d.
Audit Pasquier, pour un sembleau de teil pour Marie, 4 s. 2 d.
A Robin Galois, Thomas Galois et Jehan Martin, pour avoir osté et
vuidié les pierres et gravois qui a esté tiré et osté dudit puis, et avoir
porté ycelles pierres en l'ostel des enfans d'aulbe et les gravois mis
devant