Compte de LOeuvre de la Cathédrale de Chartres en 1415-1416 | Page 7

assavoir l'un nommé Thopica Boecii et
Librum elencorum; le 2e, Retractaciones Augustini; le 3e, Commentum
Boecii super logica veteri; le 4e, _Tractatus super Terencium; le 5e,
Dyadema; le 6e, Quatuor Euvangeliste cum canonibus; le 7e, Vita
Terencii, et le 8e, Libri Philippicarum Tullii_, pour tout ce, 45 s.
A Jehan Rogier, pour un soliveau de 15 piez de long mis en la
cheminée des verriers, 4 s. 2 d.
Pour 2 burètes d'estain achetées pour servir à la derreniere messe, 5 s.
Pour vin donné à cellui auquel Messieurs ont marchandé de curer le
puis qui est devant l'ostel de M. le prévost de Masengé, 20 d.
A Jehan Perier, verrier, pour 4 jours qu'il a besongné ès verrières de la
librarie, pour jour 4 s.
A Jaquet le Bastonnier, pour 4 jours qu'il a besongnié ès paneaux des
verrières de l'eglise, par jour 4 s.
A Jehan le Royer, pour 4 jours qu'il a besongné avec ledit Bastonnier,
par jour 4 s. 2 d.
En charbon pour lesdiz verriers, 10 d.
A Colin Caillart, maçon, pour 4 jours qu'il a besongné en la cheminée
de la chambre aux verriers, par jour 5 s.
A Vincent Patouin, son nepveu, pour 4 jours qu'il a besongné avec ledit
Colin, par jour 4 s.
Au varlet dudit Colin, pour 4 jours qu'il a servi son dit maistre, par jour
20 d.
A Jehan Briquède, pour 4 jours qu'il a besongnié à servir lesdiz maçons,
par jour 2 s. 1 d.
A Jehan Douge, qui semblablement a ouvré avec ledit Briquède à servir
lesdiz maçons par lesdites 4 journées, pour jour 2 s. 1 d.

A Denis Dumesnil, esveilleur, pour 4 jours qu'il a ouvré à nectaier
l'eglise et destaindre lez chandelles, par jour 20 d.
A Jehan Motet, plommier, pour 4 jours qu'il a besongnié tant à
plommer une petite goutière qui a esté mise en la Chambre des comptes
comme à estouper troux estans ou grant clochier de plon, pour jour 3 s.
4 d.
A Philippot Mauvoisin, pour une soubzpante ou crampon de fer mis en
la goutière de la Chambre des comptes, pesants 8 livres, chacune livre
15 d.
A Robin Desmolins, charpentier, pour un jour et demi qu'il a besongné
à faire un trueil pour curer et nectaier le puis qui est devant l'ostel de M.
le prevost de Masangé, pour jour 4 s.
A Jehan Desmolins, charpentier, pour un jour qu'il a ouvré avec ledit
Robin, son père, 4 s.
A Guillemin Fouchier, tonnelier, pour 2 grans seilles par lui faictes
pour curer ledit puis, 10 s.
A Philippot Mauvoisin, pour 12 chandeliers à plataine pour mectre et
attacher ès 6 autelz nouvelment reculez et mis contre le mur de l'eglise,
70 s.
A Yvonnet Paris, escrivain, pour avoir relié 4 des livres de la librarie, le
1er nommé Liber Johannis de divinis nominibus; le 2e Augustinus de
doctrina christiana; le 3e, _Admonitiones Cesarii cum quibusdam
sermonibus Augustini; le 4e Cassiodorus de septem artibus_, pour tout
ce, 25 s.
À Nicolas de Verson, pour avoir semblablement relié 4 autres livres de
la dicte librarie, le 1er, Beda de compoto; le 2e, Marcianus; le 3e, Aymo
super epistola ad Romanos; et le 4e, _Retorico cum commento_, pour
tout ce, 25 s.
Pour 2 longues tranches de cuir d'Espaigne, desquelz ont esté faiz les

fermouers desdiz livres, 2 s. 6 d.
À Simon Pichon, pour 6 sextiers de chaux pour la cheminée aux
verriers, 22 s. 6 d.
Audit Simon, pour un muy de sablon, 20 s.
Pour vin donné à Motet et autres qui pesèrent la cire de la fonte, 5 s.
Pour 4 frètes pour les roes qui sont pour curer le puys, dont cy-dessus
est faicte mencion, 2 s. 6 d.
* * * * *
En la sepmaine saint Laurens commençant le 4e d'aoust.
A Jehan Perier, verrier, pour 5 jours qu'il a besogné ès verrières de la
librarie, par jour 4 s.
A Jaquet le Bastonnier, verrier, pour 5 jours qu'il a besongné ès
paneaux des verrières de l'eglise, par jour 4 s.
A Jehan le Royer, verrier, pour 5 jours qu'il a besongnié avec ledit
Bastonnier ès paneaux des haultes verrières de l'eglise, par jour 4 s. 2 d.
A Colin Caillart, maçon, pour 5 jours qu'il a besongnié tant à eschever
la cheminée et le fourneau desdiz verriers comme à commencier à faire
une autre cheminée en l'ostel où demeure Philippot Mauvoisin, pour
jour 5 s.
À Jehan Briquède, pour 5 jours qu'il a servi ledit Colin, pour jour 2 s. 1
d.
À Jehan Douge, pour 4 jours qu'il a besongnié tant à servir ledit Colin
comme à apporter la brique de Saint-Jehan-en-Valée, et aussi à porter
en l'ostel des enfans pierres qui estoient devant le puis, lequel on a
commencié à curer,