Curiosites Infernales | Page 2

lieux pleins de
grande solitude, remplis de demons. Comme fit sainct Anthoine qui
estant sorti de sa cellule, ayant envie de voir jour et Paul l'hermite, qui
demeuroit en un desert plus haut que luy trois journees, trouva en
chemin, une forme monstrueuse d'homme, qui estoit un cheval, et tel
que ceux que les poetes anciens ont appele Hippocentaures. Auquel il
demanda le chemin du lieu ou demeuroit ledict Paul Hermite, lequel

parla. Mais il ne peut estre entendu et monstra de l'une de ses mains le
chemin et puis apres il s'osta de devant luy, s'enfuyant d'une grande
vitesse. Or si c'est homme estoit point quelque illusion du Diable, faite
pour espouvanter le sainct homme ou si (comme les solitudes sont
coustumieres de produire diverses formes d'animaux monstrueux) le
desert avoit engendre cest homme ainsi difforme, nous n'en avons rien
de certain.
"Sainct Anthoine donc s'esbahissant de ceste occurrence, et resvant, sur
ce que desja il avoit veu, ne discontinua son voyage, et de passer outre.
Mais il ne fut gueres avant, qu'estant en un vallon pierreux et plein de
rochers, il vid un autre homme d'assez basse stature, mais laid, et
difforme, ayant le nez crochu et deux cornes qui lui armoyent
horriblement le front, et le bas du corps, lequel alloit en finissant ainsi
que les cuisses et pieds d'un bouc. Le vieillard sans s'estonner de ceste
forme si hideuse, ne s'esmouvant d'un tel spectacle, si effroyable, se
fortifia, comme estant bon gendarme chrestien vestu des armes de
Jesus-Christ,... et, voicy ce monstre susdit qui lui presenta des dattes et
fruicts de palmier comme pour gage d'amitie et asseurance. Ceci
encouragea ce bon hermite qui, apprivoise du monstre, s'arresta un peu
et s'enquit de son estre et que c'est qu'il faisoit en ceste solitude, auquel
cest animal inconu respondit: Je suis mortel et un des citoyens et
habitans de ce desert, que les gentils et idolatres aveugles et deceus
sous l'illusion diverse d'erreur, adorent et reverent sous le nom de
faunes, pans, satyres et incubes. Je suis venu de la part de ceux de ma
trouppe, et compagnie vers toy pour te requerir qu'il te plaise de prier le
commun Dieu et Seigneur de nous tous, pour nous miserables, lequel
scavons estre venu au monde pour le salut et rachat de tous les hommes,
et que le son de sa parole a este seme et espandu par toute la terre. Ce
monstre parlant ainsi, le voyager charge d'ans et venerable hermite
Anthoine pleuroit a chaudes larmes, lesquelles couloyent le long de sa
face honnorable, non de douleur, ains de joye.
"En Hirlande, il s'y void et entend des malins esprits parmi les
montagnes, et combien qu'aucuns disent que ce ne sont que des fausses
visions qui proviennent de ce que les habitans usent de viandes et
breuvages vaporeux, comme de pain faict de chair de poisson seche. Et
leur boire sont bieres fortes. Mais i'ay sceu (asseurement) des Anglois
qui y ont demeure quelques annees, qui vivoyent civilement et

delicatement, qu'il y avoit des esprits malins parmy les montagnes,
lesquels molestent par leurs facons de faire et font peur aux voyageurs
soit de jour et de nuict.
"Plusieurs autres demons luy ont donne de grandes fascheries en son
desert, lui jettans sur son chemin des vaisselles d'or et d'argent,
lesquelles choses il voyoit soudain s'esvanouir."
"Les Arabes qui, communement voyagent par les deserts de leurs pays,
y voyent des visions espouvantables et quelquefois des hommes qui
s'esvanouissent incontinent, entre autres Teuet atteste avoir ouy dire a
un truchement arabe qui le conduisoit par l'Arabie deserte nommee
Geditel, qu'un jour conduisant une caravanne par les deserts du
royaume de Saphavien, le sixiesme de juillet, a cinq heures du matin,
luy Arabe et plusieurs de sa suite ouyrent une voix assez esclattante, et
intelligible qui disoit en la mesme langue du pays: Nous avons
longuement chemine avec vous. Il fait beau temps, suivons la droitte
voye. Avint qu'un folastre nomme Berstuth, qui conduisoit quelques
trouppes de chameaux, qui toutesfois n'apercevoit homme vivant, la
part d'ou venoit ceste voix, respond: Mon compagnon, je ne scay qui tu
es, suy ton chemin. Lors ces paroles dites, l'esprit espouvanta si bien la
trouppe composee de divers peuples barbares qu'un chascun estoit
presque esperdu, et n'osoyent a grand peine passer outre.
"Jesus-Christ fut tente au desert par le malin esprit.
"Et voila comme l'on peut recueillir que ce ne sont fables (de dire) qu'il
y a des esprits malins par les deserts; et qu'il semble que Dieu permet
qu'ils habitent plus tost en ces lieux escartez que la ou demeurent les
hommes a fin qu'ils n'en soyent si communement offensez. Comme fit
l'ange Raphael duquel est parle en la saincte Escriture, au livre de
Tobie, qui confina le demon qui avoit fait mourir sept maris