Compte de LOeuvre de la Cathédrale de Chartres en 1415-1416 | Page 7

Caillart, ma?on, pour 4 jours qu'il a besongné en la cheminée de la chambre aux verriers, par jour 5 s.
A Vincent Patouin, son nepveu, pour 4 jours qu'il a besongné avec ledit Colin, par jour 4 s.
Au varlet dudit Colin, pour 4 jours qu'il a servi son dit maistre, par jour 20 d.
A Jehan Briquède, pour 4 jours qu'il a besongnié à servir lesdiz ma?ons, par jour 2 s. 1 d.
A Jehan Douge, qui semblablement a ouvré avec ledit Briquède à servir lesdiz ma?ons par lesdites 4 journées, pour jour 2 s. 1 d.
A Denis Dumesnil, esveilleur, pour 4 jours qu'il a ouvré à nectaier l'eglise et destaindre lez chandelles, par jour 20 d.
A Jehan Motet, plommier, pour 4 jours qu'il a besongnié tant à plommer une petite goutière qui a esté mise en la Chambre des comptes comme à estouper troux estans ou grant clochier de plon, pour jour 3 s. 4 d.
A Philippot Mauvoisin, pour une soubzpante ou crampon de fer mis en la goutière de la Chambre des comptes, pesants 8 livres, chacune livre 15 d.
A Robin Desmolins, charpentier, pour un jour et demi qu'il a besongné à faire un trueil pour curer et nectaier le puis qui est devant l'ostel de M. le prevost de Masangé, pour jour 4 s.
A Jehan Desmolins, charpentier, pour un jour qu'il a ouvré avec ledit Robin, son père, 4 s.
A Guillemin Fouchier, tonnelier, pour 2 grans seilles par lui faictes pour curer ledit puis, 10 s.
A Philippot Mauvoisin, pour 12 chandeliers à plataine pour mectre et attacher ès 6 autelz nouvelment reculez et mis contre le mur de l'eglise, 70 s.
A Yvonnet Paris, escrivain, pour avoir relié 4 des livres de la librarie, le 1er nommé Liber Johannis de divinis nominibus; le 2e Augustinus de doctrina christiana; le 3e, _Admonitiones Cesarii cum quibusdam sermonibus Augustini; le 4e Cassiodorus de septem artibus_, pour tout ce, 25 s.
à Nicolas de Verson, pour avoir semblablement relié 4 autres livres de la dicte librarie, le 1er, Beda de compoto; le 2e, Marcianus; le 3e, Aymo super epistola ad Romanos; et le 4e, _Retorico cum commento_, pour tout ce, 25 s.
Pour 2 longues tranches de cuir d'Espaigne, desquelz ont esté faiz les fermouers desdiz livres, 2 s. 6 d.
à Simon Pichon, pour 6 sextiers de chaux pour la cheminée aux verriers, 22 s. 6 d.
Audit Simon, pour un muy de sablon, 20 s.
Pour vin donné à Motet et autres qui pesèrent la cire de la fonte, 5 s.
Pour 4 frètes pour les roes qui sont pour curer le puys, dont cy-dessus est faicte mencion, 2 s. 6 d.
* * * * *
En la sepmaine saint Laurens commen?ant le 4e d'aoust.
A Jehan Perier, verrier, pour 5 jours qu'il a besogné ès verrières de la librarie, par jour 4 s.
A Jaquet le Bastonnier, verrier, pour 5 jours qu'il a besongné ès paneaux des verrières de l'eglise, par jour 4 s.
A Jehan le Royer, verrier, pour 5 jours qu'il a besongnié avec ledit Bastonnier ès paneaux des haultes verrières de l'eglise, par jour 4 s. 2 d.
A Colin Caillart, ma?on, pour 5 jours qu'il a besongnié tant à eschever la cheminée et le fourneau desdiz verriers comme à commencier à faire une autre cheminée en l'ostel où demeure Philippot Mauvoisin, pour jour 5 s.
à Jehan Briquède, pour 5 jours qu'il a servi ledit Colin, pour jour 2 s. 1 d.
à Jehan Douge, pour 4 jours qu'il a besongnié tant à servir ledit Colin comme à apporter la brique de Saint-Jehan-en-Valée, et aussi à porter en l'ostel des enfans pierres qui estoient devant le puis, lequel on a commencié à curer, pour chacun jour 2 s. 1 d.
A Philippot de la Saussaye, pour un jour qu'il a apporté des dites pierres en l'ostel de la Loge, 2 s. 1 d.
Au varlet dudit Colin, pour 5 jours qu'il a servi son dit maistre, pour jour 20 d.
A Mahieu Guerin, demourant à Landouville, pour 6 sextiers mine de plastre acheté pour la cheminée dudit Philippot, chacun sextier 6 s. 8 d.
A Jehan des Prez, auquel avoit esté marchandé de curer et nectaier le puis qui est devant l'ostel de M. le prevost de Masangé, a esté paié, par le commandement de Messieurs, sur la besongne qu'il peut avoir faicte audict puis, à lui comme aux ouvriers par lui louez, 47 s. 6 d.
A Vincent Fillais, ma?on, pour un jour qu'il a besongné à asseoir les chandeliers ès 6 autelz de l'eglise nouvellement faiz et asseoir les guaches des aumoires d'iceulx, 5 s.
A 2 compaignons charpentiers, pour 2 jours qu'ils ont besongnié pour faire la charpenterie de la cheminée de la petite forge qui est en l'ostel du dit Philippot, à chacun desdiz charpentiers, pour chacun jour 4 s. 2 d.
A Denis Dumesnil, esveilleur, pour 5 jours qu'il a besongné à destaindre